აჭარის მთავრობა ახვლედიანის ქუჩაზე აფეთქების შედეგად დაზიანებული სახლის მომიჯნავე კორპუსის დემონტაჟის საკითხსაც განიხილავს. ამის შესახებ დღეს აჭარის მთავრობის სხდომაზე ითქვა.
ბათუმის მერის, ლაშა კომახიძის ინფორმაციით, „მას შემდეგ, რაც ახვლედიანის ქუჩაზე დაზარალებული სახლის დემონტაჟი განხორციელდება, სასურველია ჩატარდეს მომიჯნავე სახლის ექსპერტიზა, რომლის კედელიც ასევე დაზიანებულია. და რადგან ეს სახლიც ძველია, შესაძლოა დღის წესრიგში დადგეს მისი დემონტაჟის საკითხიც“.
მერი ამბობს, რომ აფეთქების მიმდებარე ტერიტორიაზე ეძებენ ბინებს დაზარალებულ ცხრა ოჯახს რომ უქირავონ. მერია თითოეულ ბინას თვეში 700 ლარის ფარგლებში იქირავებს.
10 დეკემბერს ბათუმში მოხდა აფეთქება. წინასწარი ინფორმაციით, აფეთქდა ბუნებრივი გაზის მოწყობილობა. ამ აფეთქების შედეგად, ოფიციალური ინფორმაციით, ცხრა ოჯახი დარჩა უსახლკაროდ.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")