2017 წლის 24 დეკემბერს ბათუმში ვოლდორფის ბაღის დაარსების ინიციატორები საინფორმაციო შეხვედრას მოაწყოვენ. შეხვედრა ბათუმში , ზვიად გამსახურდიას ქუშის # 1/5-ში დილის 11:00 საათზე დაიწყება და 16:00 საათამდე გაგრძელდება.
შეხვედრაზე დაგეგმილია ვოლდორფის პედაგოგიკის, როგორც თეორიული კურსის გაცნობა. შეხვედრის შუალედებში მოეწყობა ე.წ. მრგვალი მაგიდა – სტუმრებს საშუალება ექნებათ დასვან კითხვები თემის ირგვლივ.
ბათუმში ვალდორფის ბაღის გახსნის იდეა თბილისის თავისუფალი ვალდორფის სკოლის კურსდამთავრებულს, შტუტგარდის უნივერსიტეტის მაგისტრანტს, ილია კალანდაძეს გაუჩნდა. მისი თქმით, თანამოაზრეების შემოკრებას სამუშაო ჯგუფის ჩამოყალიბებაც მოჰყვა. ილია კალანდაძის თქმით, დღეს ეს ჯგუფი საორგანიზაციო საკითხებს აგვარებს და ახლო მომავალში ბათუმში საერთაშორისოდ აღიარებული ვალდორფის პედაგოგიკის პრინციპებით მოქმედი ბაღიც აშენდება.
რითი გამოირჩევა ვალდორფის საგანმანათლებლო სისტემა დღეს არსებული სხვა საბავშვო ბაღების სისტემისგან და რა არის მისი უპირატესობა? ამ თემაზე წაიკითხეთ აქ.
