Batumelebi | ხულოში ადიდებულმა მდინარემ სოფლის ხიდები წაიღო ხულოში ადიდებულმა მდინარემ სოფლის ხიდები წაიღო – Batumelebi
RU | GE  

ხულოში ადიდებულმა მდინარემ სოფლის ხიდები წაიღო

 

ხულოს მუნიციპალიტეტში  ოთხი სოფელი გზისა და ხიდების გარეშე დარჩა. ადიდებულმა მდინარემ ოთხი სოფლის – ზედა და ქვედა თხილვანას, ბაკოსა და მთისუბნის დამაკავშირებელი ხიდები წაღო, დაზიანებულია სავარგულები. 

 

 

სოფელ თხილვანას  მაცხოვრებელი ნინა გუნდაძე „ბათუმელებთან“ საუბარში აცხადებს, რომ ადიდებული მდინარე საფრთხეს საცხოვრებელ სახლებსაც უქმნის.

 

„ამ დროისთვის სოფელში მხოლოდ ერთი ტრაქტორი მუშაობს, თუმცა ვერ უმკლავდება ნიაღვარს. მდინარე გუშინ ადიდდა და გადმოვიდა კალაპოტიდან. დააზიანა ყანები და ნათესები.  წყალმა ჩემი ყანის ნახევარიც წაიღო. დაწყებულია მეწყერული პროცესები“, – ამბობს ის.

 

 რესპონდენტის თქმით, ამ დრომდე ადგილობრივი ხელისუფლების წარმომადგენლები სოფელში არ გამოჩენილან.  

 

სოფელი თხილვანა. ხულო

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე