Batumelebi | აჭარის ფინანსთა სამინისტრომ გმირთა ხეივნის განვითარების კონცეფცია წარადგინა აჭარის ფინანსთა სამინისტრომ გმირთა ხეივნის განვითარების კონცეფცია წარადგინა – Batumelebi
RU | GE  

აჭარის ფინანსთა სამინისტრომ გმირთა ხეივნის განვითარების კონცეფცია წარადგინა

 

დღეს „რადისონ ბლუ ბათუმში“ აჭარის ფინანსთა და ეკონომიკის მინისტრმა მთავრობას, არასამთავრობო ორგანიზაციებს, დეველოპერებსა და სხვა მოწვეულ სტუმრებს გმირთა ხეივნის განვითარების კონცეფცია წარუდგინა.

 

 

 

 

 

 

 

მინისტრის ინფრომაციით, გმირთა ხეივნის ტერიტორიის ფართობი 3 ჰექტარია. (იუსტიციიის სახლიდან ე.წ ბათუმის კარიბჭემდე და მიმდებარე ტერიტორია)  ტერიტორია 14 საინვესტიციო მიწის ნაკვეთად არის დაყოფილი, რომელიც 2 ეტაპად უნდა აითვისონ. სამინისტრო ამ ქონებაზე აუქციონს გამოაცხადებს. 

 

კონცეფციის მიხედვით, ნაგებობის მაქსიმალური სიმაღლე 140, ხოლო მინიმალური 30 მეტრი  უნდა იყოს.

 

მინისტრიოს თქმით, რადგან ბათუმში „გართობის მხრივ მოვიკოჭლებთ, საჭიროა მეტი გასართობი ობოექტი ტურისტებისთვის“. ამიტომ გმირთა ხეივნის ტერიტორიაზე სასტუმროების, აპარტამენტებისა და რესტორნების გარდა, სხვადასხვა გასართობი ობიექტისა და სპორტული ცენტრის განთავსებაც იქნება შესაძლებელი.

მინისტრის თქმით, გმირთა ხეივნის განვითარების კონცეფციის მიზანი საინვესტიციო გარემოს გაუმჯობესება, ბიზნესის/ტურიზმის ხელშეწყობა, სამუშაო ადგილების შექმნა და ქალაქის ინფრასტრუქტურის განვითარებაა.

 

 

 გარდა გმირთა ხეივნის კონცეფციისა, მინისტრმა რეგიონში დაგეგმილ მსხვილ საინვესტიციო პროექტებზეც წარუდგინა ინფორმაცია საზოგადოებას.  მინსტრმა ახალ პროეტებთან ერთად ჩამოთავალა ის პროექტებიც, რომელთა განხორციელებაც წინა  მთავრობის დროს დაიწყო.

 

 

მინისტრის ინფრომაციით, „რეგიონის საინვესტიციო პორტფელის ჯამური მოცულობა 17 54 500 000 აშშ დოლარია.  2015-2020 წლებში განსახორციელებელი პროექტების ჯამური საინვესტიციო მოცულობა 1 251 800 000 აშშ დოლარი იქნება. იგივე პროექტებიდან მხოლოდ 2015 წელს განსახორციელებელი ინვესტიციის მოცულობა 366 200 000 აშშ. დოლარი იქნება. უკვე განხორციელებული ინვესტიციის მოცულობა კი – 502 700 000 აშშ დოლარია.

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე