Batumelebi | ასმათ დიასამიძე: რაღაც გაორებული ვარ ასმათ დიასამიძე: რაღაც გაორებული ვარ – Batumelebi
RU | GE  

ასმათ დიასამიძე: რაღაც გაორებული ვარ

 

აჭარის უმაღლესი საბჭოს დეპუტატი „ნაციონალური მოძრაობიდან“ ასმათ დიასამიძე საკანონმდებლო ორგანოში ქალთა კვოტირების შესახებ ამბობს: 

 

 

 

 

„მართალი გითხრათ, სერიოზულად ამ თემაზე არ მქონია არც საუბარი და არც მე არ ჩავღრმავებულვარ. რაღაც გაორებული ვარ, თუმცა,  ვფიქრობ, რომ ქალთა კვოტირება ცუდი არ იქნება. საზოგადოებაც მიეჩვევა და ქალების მხრიდან იქნება მეტი მონდომება.

 

დიდად არც პარტიების დავალდებულების მომხრე ვარ, მაგრამ  რადგან გამოსავალი არ არის და ფაქტობრივად წლების განმავლობაში შედეგს ვერ მივაღწიეთ, ალბათ პირველ ეტაპზე ეს კანონი ხელს შეუწყობს ქალთა წარმოჩენას და გააქტიურებას. ვინაიდან, ამ წლების განმავლობაში ვერ მოხერხდა საჭირო რაოდენობის ქალთა შესვლა საკანონმდებლო ორგანოში, ეტყობა მაინც საჭიროა რაღაც საკანონმდებლო ინიციატივა, რომ ეს ვალდებულება კანონის დონეზე ავიღოთ.

 

გენდერული ბალანსი დაცული უნდა იყოს საკანონმდებლო ორგანოში და ეს სურათს შეცვლის იმ კუთხით, რომ აქტიური ქალის როლი მნიშვნელოვანი იქნება“.   

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე, რუბრიკა: დეპუტატები სავალდებულო გენდერული კვოტირების შემოღების შესახებ