Batumelebi | საჯარო მოსამსახურეებმა ქედის ცენტრი დაასუფთავეს საჯარო მოსამსახურეებმა ქედის ცენტრი დაასუფთავეს – Batumelebi
RU | GE  

საჯარო მოსამსახურეებმა ქედის ცენტრი დაასუფთავეს

 

დღეს, 27 მარტს, ქედაში დასუფთავების აქცია მოეწყო. აქცია, რომელშიც მონაწელეობას საჯარო სამსახურების, აიპებისა და შპს-ების თანამშრომლები იღებდნენ, თითქმის ორ საათს გაგრძელდა. დასუფთავდა დაბა ქედის მიმდებარე ტერიტორია. ქედის გამგებლის განცხადებით, აქცია პერმანენტულ ხასიათს მიიღებს და ადმინისტრაციულ თემებში გადაინაცვლებს.



ქედის გამგებლის დავით დუმბაძის თქმით, ნარჩენების მართვის გასაუმჯობესებლად გამგეობა წელს 100 ურნას შეიძენს.



„დასუფთავების აქცია მნიშვნელოვანია, გასულ კვირას ცხმორისის ცენტრი დავასუფთავეთ, სამომავლოდ კი მოსახლეობის მონაწილეობით მსგავსი აქციები მოეწყობა ადმინისტრაციულ თემებსა და სოფლებში. რაც შეეხება ნარჩენების მართვას, ჩვენ ვფიქრობთ შევიძინოთ 100-მდე ურნა, სოფლებში, სკოლებსა და ბაგა-ბაღის მიმდებარე ტერიტორიებზე განვათავსოთ, რომ არ გადაიყაროს საყოფაცხოვრებო თუ არასაყოფაცხოვრებო ნარჩენები სოფლის გზებსა და ხრამებში“ – ამბობს ის.







ნეტგაზეთის მასალების სხვა გამოცემებში გადაბეჭდვის წესი
ეკა ბარამიძე