გადასასვლელი ხიდი მოაჯირის გარეშე


ბარცხანის დასახლებაში რკინიგზაზე გადასასვლელ ხიდს გარკვეულ მონაკვეთში მოაჯირი არ აქვს. რკინის მოაჯირი რამდენიმე დღეა მორღვეულია, რაც საფრთხეს უქმნის ხიდზე ქვეითებს. მოაჯირის ნაცვლად ლენტია გაბმული.

ხიდის მოვლა-პატრონობასა და ექსპლუატაციაზე პასუხისმგებელი ქალაქ ბათუმის მერიაა. ბათუმის მერიაში არ იციან, რამ დააზიანა მოაჯირი, მაგრამ არც იმას გამორიცხავენ, რომ შესაძლოა ლითონის კონსტრუქციის ნაწილი მოიპარეს, თუმცა შესაძლო ქურდობის ფაქტზე არც შესაბამისი ორგანოებისთვის მიუმართავთ. „რაც შეეხება ავტოსაგზაო შემთხვევას, მაქ რომ მომხდარიყო, არ დაიმალებოდა ეს ფაქტი,“ – ამბობენ მერიაში.

ბათუმის მერიის სატრანსპორტო ინფრასტრუქტურის მართვის სააგენტოს ხელმძღვანელის, გიორგი ჩხეიძის განცხადებით, მოაჯირის კონსტრუქციის დარჩენილი ნაწილი მათ გადაიტანეს, მზადდება ხარჯთაღრიცხვა და „რაც შეიძლება ოპერატიულად აღვადგენთ მოაჯირს“.

ბარცხანის ხიდი / 25.10.2017

ბარცხანის ხიდი / 25.10.2017

ბარცხანის ხიდი / 23.10.2017

ბარცხანის ხიდი / 23.10.2017 / ბათუმი / გურამ მურვანიძის ფოტოები

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com