დღეს დილიდან აჭარის მთიან სოფლებში თოვდა. აწარის ყველაზე მაღალი მუნიციპალიტეტის – ხულოს გამგებლის, ბესიკ ბუაჩიძის თქმით, თოვა ამ დროისთვის უკვე გაჩერებულია. თოვლის საფარმა ხულოს სოფლებში 17-20 სანტიმეტრს მიაღწია, ხოლო დაბაში 7 სანტიმეტრს. გამგებლის ინფორმაციით, ამ დროისთვის გზებზე მოძრაობა არ არის ჩაკეტილი.
ბესიკ ბუაჩიძის თქმით, იმ შემთხვევაში თუკი თოვლის საფარი მოიმატებს, გზების ჩაკეტვის რისკი მაინც არ არსებობს, რადგან შტაბი და შესაბამისი ტექნიკა მობილიზებულია.
ხულოს გამგებლის ინფორმაციით, ამ დრისთვის ელექტროენეგია არ მიეწოდება მუნიციპალიტეტის გარკვეულ სოფლებს: „დანისპრაული-რიყეთის მიმართულებით არის პრობლემები და ასევე საციხურში. „ენერგო პრო ჯორჯიაში“ მითხრეს, რომ დაზიანებებია. ეს არის სოფლები, სადაც ხაზები ტყეში გადის – ბევრგან ბოძებია დაზიანებული, ბევრგან კი მოკლე ჩართვა ხდება“.
