Batumelebi | „ახალ თეატრს“ სალონური დატვირთვა ექნება „ახალ თეატრს“ სალონური დატვირთვა ექნება – Batumelebi
RU | GE  

„ახალ თეატრს“ სალონური დატვირთვა ექნება

 

7 თებერვალს ბათუმში, სასტუმრო „ინტურისტის“ შენობაში გაიხსნა ხელოვანთა დარბაზი „ახალი თეატრის“ სახელწოდებით, რომლის ორგანიზატორებიც ზაზა ფირცხალაიშვილი და ირმა ქობულაძე არიან. თეატრს ჯერჯერობით სპონსორი არ ჰყავს, ორგანიზატორები ყველაფერს ენთუზიაზმით და ინტურისტის დირექტორის თამაზ ხარაზის დახმარებით აკეთებენ.

თეატრს სალონური დატვირთვა ექნება, მოეწყობა შეხვედრები, მოწვევით გაიმართება სპექტაკლები. 28 თებერვალს სპექტაკლს გამართავს თბილისის ერთი მსახიობის თეატრი, მსახიობ მურმან ჯინორიას სპექტაკლით „და სიმღერით ვკვდები“.

თეატრის პრეზენტაცია ლექსების გამოფენით შედგა, რომელზეც 70-მდე პოეტის 146 ლექსი იყო წარმოდგენილი. ჟიურიმ გამარჯვებულებს  საპატიო სიგელები და საჩუქრები გადასცა. მალე მათი ლექსები ჟურნალ „ლიტერატურულ აჭარაში“ დაიბეჭდება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.