Batumelebi | ავთო დარჩია „შაოსანთა“ ვინაობას დაასახელებს ავთო დარჩია „შაოსანთა“ ვინაობას დაასახელებს – Batumelebi
ნეტგაზეთი • RU

ავთო დარჩია „შაოსანთა“ ვინაობას დაასახელებს

პრეზიდენტის ვიზიტს აჭარაში „ნაციონალების“ დარბევა მოჰყვა. იყო მცდელობა ე.წ. ოპოზიციის ხელმძღვანელების გატაცებისა. „გაზეთი ბათუმელები“ ამასთან დაკავშირებით თავად ადრესატს, ქრისტიან-დემოკრატიული კავშირის ბათუმის საოლქო გაერთიანების თავმჯდომარეს ავთო დარჩიას ესაუბრა. „ხალხი აბსოლუტურად უმართავი და დაქსაქსული იყო, რაც საშინელ ქაოსს ქმნიდა. ჩვენ მოვუწოდებდით, რომ დაშლილიყვნენ. პარკის ტერიტორიაზე მიტინგზე შემოვარდა ადამიანთა გარკვეული ჯგუფი, რომლებმაც მთლიანად არია სიტუაცია. შემდეგ ხალხი ღვთისმშობლის ეკლესიისაკენ გადაადგილდა, მაგრამ ე.წ. „შაოსნები“ აქაც გამოჩნდნენ. ვიღაც კაცი მეუბნება: დავიშალოთ-დავიშალოთო და ამ სიტყვებით გვერდზე გამიყვანა. ამ დროს ორმა კაცმა მომკიდა ხელი, ჰაერში ამიტაცა და წამიყვანა, მაგრამ შემოტრიალება მოვასწარი, ქალები დამეხმარნენ და თავის დაღწევა ასე მოვახერხე. ეს იყო გატაცების მცდელობა. იგივე განმეორდა ნატო იმნაძის მიმართაც, მანქანა უკვე მზად იყო მის გასატაცებლად, მაგრამ არც ამ შემთხვევაში გამოუვიდათ რამე“.

ქრისტიან-დემოკრატების თავჯდომარისათვის ცნობილია ე.წ. „შაოსანთა“ ვინაობა. „ისინი სპეცრაზმისის წარმომადგენლები არიან. მათ ვინაობას მალე დავასახელებ“, – აცხადებს ავთო დარჩია.

ნეტგაზეთის მასალების სხვა გამოცემებში გადაბეჭდვის წესი
მაკა მალაყმაძე