აჭარის უმაღლესი საარჩევნო კომისიის [უსკო] წინასწარი მონაცემების თანახმად, 2024 წლის უმაღლესი საბჭოს არჩევნებში ამომრჩეველთა ხმების უმრავლესობა პარტია „ქართულმა ოცნებამ“ მიიღო.
უსკო აცხადებს, რომ „ოცნებამ“ მიიღო საარჩევნო ხმების 57.43%, სულ 110 130 ხმა.
აჭარის უმაღლესი საბჭოს არჩევნებში სულ 11 პოლიტიკური სუბიექტი მონაწილეობდა. უსკოს მიერ დათვლილი წინასწარი შედეგები ასე გამოიყურება:
- „კოალიცია ცვლილებისთვის გვარამია მელია გირჩი დროა“ – 8.4% [16 106 ხმა]
- „ერთიანობა-ნაციონალური მოძრაობა“ – 14.27% [27 362 ხმა]
- „ძლიერი საქართველო-ლელო, ხალხისთვის, თავისუფლებისთვის!“ – 6.31% [12 102 ხმა]
- „გახარია საქართველოსთვის“ – 8.63% [16 550 ხმა]
უსკოს ცნობით, აჭარის უმაღლესი საბჭოს არჩევნებზე 317 საარჩევნო უბანზე რეგისტრირებული 317 119 ამომრჩევლიდან კენჭისყრაში მონაწილეობა მიიღო 197 814-მა ამომრჩეველმა, რაც ამომრჩეველთა საერთო რაოდენობის 62.38 % შეადგენს.
_______________
ფოტოზე: საპარლამენტო და აჭარის უმაღლესი საბჭოს არჩევნები ბათუმში
