გამოფენის ერთ-ერთ მონაწილეს ნათია კონცელიძეს წარმოდგენილი ჰქონდა მონეტების კოლექცია,რომლის შეგროვება ჯერ კიდევ მისმა ბაბუამ დაიწყო საბჭოთა კავშირის პერიოდიდან, შემდგომ განაგრძო ბიძამ, ახლა კი მონეტების შეგროვებით ნათია დაინტერესდა. ამ კოლექციაში უძველესი მონეტა 1711 წელს არის გამოშვებული, უკანასკნელად კოლექციას ქართული ერთლარიანი შეემატა. მონეტების კოლექცია რამდენიმე წლის წინ შეფასდა 2000 დოლარად, თუმცა ოჯახმა გაყიდვაზე უარი განაცხადა.
გიგა ნაგერვაძემ გამოფენაზე მუყაოს ქაღალდისგან შექმნილი ტაძრების მაკეტი წარმოადგინა, რომლის შექმნასაც მან ორი დღე მოანდომა.
აღსანიშნავია სულხან შაქარაძის ნაკეთობაც, რომელმაც შექმნა 5 ვარსკვლავიანი სასტუმროსა და მისი მიმდებარე ტერიტორიის მაკეტი, რომელიც ძირითადად შეყვარებულ წყვილებსა და ახალდაქორწინებულებზე იქნება ორიენტირებული. მისივე ნამუშევარია გულის ორნამენტებით შემკული მანქანა, რომლის დადგმის ნებართვას ბულვარის შესასვლელში ის ბათუმის მერიისგან ითხოვს. მისი თქმით ეს მანქანა ერთადერთია მსოფლიოში, რადგან ის საკუთარი ფანტაზიით შექმნა.
როგორც ხელვაჩაურის ახალგაზრდობის ცენტრში გვითხრეს, ცენტრი ხელს უწყობს ახალგაზრდებს შექმნან გარემო, სადაც მოზარდები შეძლებენ თავიანთი შესაძლებლობების წარმოჩენას.
„კლუბში ასევე იმართება სხვადასხვა ნიჭით დაჯილდოებული ადამიანების შეხვედრა“ – ამბობს ახალგაზრდობის ცენტრის ხელმძღვანელი შორენა ფაღავა.
