![„მედეას ტრაგედია“ გონიოს ციხეში [ანონსი]](https://batumelebi.netgazeti.ge/wp-content/uploads/2017/07/023.jpg "„მედეას ტრაგედია“ გონიოს ციხეში [ანონსი]")
2017 წლის 27 ივლისს, 21:00 საათზე, აჭარის კულტურული მემკვიდრეობის დაცვის სააგენტოს ორგანიზებით გონიო-აფსაროსის არქეოლოგიურ-არქიტექტურულ მუზეუმ-ნაკრძალში სპექტაკლი „მედეას ტრაგედია“ გაიმართება, რომელიც ბერძნული მითოსის ცნობილი კოლხი პერსონაჟის ტრაგედიას მოგვითხრობს.
„სპექტაკლი დადგმულია ევრიპიდეს ტრაგედიის მიხედვით. ემსახურება უძველესი თეატრის გაცოცხლებას და მაქსიმალურად არის დაახლოვებული ანტიკური თეატრის ესთეტიკასთან,“ – ამბობს რეჟისორი ოთარ ქათამაძე.
მსგავსი სანახაობა ხელს შეუწყობს მუზეუმის პოპულარიზაციას და იმ უძველესი ტრადიციების გაცოცხლებას, რაც გონიოს ციხეში საუკუნეების წინ ხდებოდა.
კადრი სპექტაკლიდან
