აჭარის განათლების სამინისტრო 40 ათასი ლარის დახარჯვას აპირებს წიგნებში, რომლებიც ხუთი მუნიციპალიტეტის – ხელვაჩაურის, ქობულეთის, ქედის, შუახევისა და ხულოს საჯარო სკოლებს გადაეცემა. სულ ათი სკოლაა შერჩეული.
სკოლის ბიბლიოთეკებისთვის ქართველი და მსოფლიო კლასიკოსების, საბავშვო, საყმაწვილო, შემეცნებითი ხასიათის, ლექსიკონებსა და სხვა სახის ლიტერატურას ტენდერით შეისყიდიან.
სამინისტროს ინფორმაციით, სატენდერო წინადადებების მიღება 2017 წლის 21 თებერვლიდან იწყება და 23 თებერვალს 12 საათზე დასრულდება.
წიგნების შესყიდვა, სამინისტროს „საჯარო სკოლების მატერიალური ბაზის გაუმჯობესების“ ქვეპროგრამის ფარგლებში ხორციელდება.
შესასყიდი წიგნების რაოდენობა დაახლოებით 4 ათასია.
