მთავარი,სიახლეები,ჯანმრთელობა • • •

ჰაერში მყარი ნაწილაკების ზრდა უდაბნოს მტვრის გავრცელებას უკავშირდება – სააგენტო

28.10.2026
ჰაერში მყარი ნაწილაკების ზრდა უდაბნოს მტვრის გავრცელებას უკავშირდება – სააგენტო

ბათუმსა და ქვეყნის სხვა ადგილებში ჰაერში მყარი ნაწილაკების შემცველობის ზრდა ფიქსირდება.

ჰაერის ამ ნაწილაკებით დაბინძურების მიზეზი კი, როგორც გარემოს ეროვნული სააგენტო ატმოსფერული ჰაერის ხარისხის პორტალზე წერს, უდაბნოს მტვრის მასების გავრცელებაა.

„28 ოქტომბრიდან ატმოსფერული ჰაერის ხარისხის მონიტორინგის ზოგიერთ ავტომატურ სადგურზე შეინიშნება მყარი ნაწილაკების [PM10 და PM2.5] კონცენტრაციის ზრდა.

აღნიშნული პროცესი განპირობებულია ტრანსსასაზღვრო დაბინძურებით აღმოსავლეთ,  სამხრეთ-აღმოსავლეთ და სამხრეთიდან უდაბნოს მტვრის მასების სუსტი გავრცელებით.“ – წერს გარემოს ეროვნული სააგენტო.

ბათუმში ჰაერში მყარი ნაწილაკების – PM10 და PM2.5 შემცველობის მაჩვენებელი იყო „ცუდი“ გუშინ, 27 ოქტომბერსაც. თუმცა ასეთ მაჩვენებელს ბათუმში განთავსებული ორი სადგურიდან მხოლოდ რესპუბლიკურ საავადმყოფოსთან მდებარე სადგური აფიქსირებდა.

28 ოქტომბერს კი მყარი ნაწილაკების „ცუდი“ მაჩვენებელი უკვე მეორე სადგურზეც ფიქსირდება, რომელიც ბათუმის ცენტრალურ პარკშია განთავსებული.

წყარო: ჰაერის ხარისხის პორტალი

ჰაერის ამ ნაწილაკებით დაბინძურების სხვა მიზეზებსა და ჯანდაცვით რეკომენდაციებზე ვრცლად ნახეთ ამ ბმულზე:

ბათუმში ჰაერი მყარი ნაწილაკებითაა დაბინძურებული

გადაბეჭდვის წესი

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ. ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას. დღეს შენი მხარდაჭერა გვჭირდება _ ამისთვის შევქმენით მარტივი და უსაფრთხო პლატფორმა: შეგიძლია აირჩიო შენთვის მისაღები თანხა, რომლის გადახდასაც შეძლებ, თუნდაც თვეში 1 ლარი, და გახდე „ბათუმელებისა“ და „ნეტგაზეთის“ მხარდამჭერი. ჩვენ არ გვინდა დამატებით ფინანსურ ტვირთად ვიქცეთ ვინმესთვის. ჩვენთვის საზოგადოების მხარდაჭერა არა თანხის ოდენობით, არამედ ჩვენი მკითხველისა და გულშემატკივრის სიმრავლით იზომება.
უფრო მეტ ინფორმაციას, ასევე, წესებსა და პირობებს შეგიძლია გაეცნო მხარდაჭერის პლატფორმაზე.

ასევე: