26 ოქტომბერს, გამთენიისას, რუსეთში, ქალაქ ვორონეჟს უკრაინული დრონები დაესხნენ თავს.
რუსული მხარის ინფორმაციით, ქალაქზე რუსეთის ომის დაწყებიდან დღემდე ყველაზე მასშტაბური თავდასხმა განხორციელდა. რეგიონის გუბერნატორის თქმით, 113 დრონიდან 70 დრონი უშუალოდ ქალაქის თავზე ჩამოაგდეს.
შეტევას ნგრევა და მსხვერპლი მოჰყვა. დრონის ნამსხვრევები გარეუბანში მატარებელს დაეცა.
რუსული მხარე აცხადებს, რომ ნგრევა იყო ეკონომიკურ ობიექტებსა და სამოქალაქო სექტორში.
ბოლო ცნობებით, დაიღუპა 3 და დაშავდა 40-მდე ადამიანი.
უკრაინული ტელეგრამ-არხები წერენ, რომ უკრაინის სამიზნე ვორონეჟის ავიამშენებელი კომპანიის საწარმო იყო, რომელიც გრძელმანძილიანი Il-96 ფართო კორპუსის თვითმფრინავებს აწარმოებს. ის ასევე დაკავებულია სხვა ტიპის თვითმფრინავებისთვის ცალკეული კომპონენტების წარმოებით.
