სერბეთის ყოფილმა პრეზიდენტმა ვუჩიჩმა ვადამდელ საპარლამენტო არჩევნებში დამარცხება აღიარა.
სერბეთის ახალმა ოპოზიციურმა ძალამ, „სტუდენტური სიამ“, ხმების 50%-ზე მეტი მიიღო და მთავრობას ჩამოაყალიბებს.
„…ცხადია, რომ ეს არჩევნები წავაგეთ. სტუდენტურმა სიამ გაიმარჯვა. მათ 135-დან 140-მდე ადგილი ექნებათ, ჩვენ კი – 105. სხვა არავინ მოხვდა პარლამენტში“ – განაცხადა ვუვიჩმა.
ვადამდელი საპარლამენტო არჩევნები სერბეთში კორუფციისა და ვუჩიჩის ავტორიტარიზმის წინააღმდეგ თითქმის ორწლიანი სტუდენტური დემონსტრაციების შემდეგ ჩატარდა.
პროტესტი სერბეთში 2024 წელს მოჰყვა ტრაგედიას ქვეყნის ჩრდილოეთში, ქალაქ ნოვი სადში, სადაც რკინიგზის სადგურში ბეტონის ჭერის ჩამონგრევას 16 ადამიანი ემსხვერპლა. სტუდენტების მიერ დაწყებულ პროტესტს შეუერთდნენ სერბეთის თეატრისა და კინოს მსახიობები, სკოლის მოსწავლეები და მასწავლებლები და სხვა და სხვა პროფესიის ადამიანები.
ვუჩიჩის მთავრობა აცხადებდა, რომ საპროტესტო მოძრაობა „უცხოური ძალების“ მიერ იყო დაფინანსებული.
„ბისისი“ წერს, რომ ვუჩიჩის მხრიდან დამარცხების ასეთი სწრაფი აღიარების საფუძველი იყო უპრეცედენტოდ მაღალი აქტივობა არჩევნებზე – თითქმის 68%, რაც იუგოსლავიის დაშლის შემდეგ ყველაზე მაღალი მაჩვენებელია.
სტუდენტური მოძრაობის სიაში ბევრი პოლიტიკური გამოცდილების არმქონე კანდიდატი შედიოდა. მოძრაობას ჯერ არ გამოუძახებია პრემიერ-მინისტრისა და კაბინეტის კანდიდატები. სიის ლიდერია კარდიოლოგი ილია სრდანოვიჩი.
______________________
ფოტო: ევროპის პრესფოტო სააგენტო. EPA/ANDREJ CUKIC
