ბათუმის ცენტრალური პარკიდან ქვის სკამები აიღეს. ცენტრალური პარკისთვის ქვის სკამებისა და სხვა ინვენტარის შესაძენად მერიამ თავის დროზე მილიონ ლარამდე დახარჯა.
ქვის სკამებს ბათუმის მერია ხულოს მუნიციპალიტეტში მდებარე გოდერძის ალპურ ბაღს გადასცემს, მათ ნაცვლად კი ცენტრალურ პარკში ხის სკამები უკვე განათავსეს.
„ქვის სკამები გაირეცხება, მოწესრიგდება და ალპურ ბოტანიკურ ბაღში განთავსდება.
რაც შეეხება ხის სკამებს, რომელიც მეტობით ჩანაცვლდება, სახელმწიფო ტენდერით იქნა შესყიდული და ბიუჯეტი 68 000 ლარია,“ – უთხრეს „ბათუმელებს“ ბათუმის მერიაში.
ბათუმის ცენტრალურ პარკში განთავსებული სხვადასხვა ფორმის ქვის სკამები და სხვა ინვენტარი მერიამ 2021 წელს იყიდა და მასში ჯამში 997 600 ლარი დახარჯა.
ტენდერში მხოლოდ ერთი კომპანია მონაწილეობდა და გამარჯვებულიც ის გახდა – შპს „გეოლოდი“.
ქვის სკამები მოუხერხებელი იყო როგორც ზაფხულში, ისე ზამთარში.
ამავე თემაზე:
ქვის მაგიდა და 2 სკამი პარკში 6500 ლარად – კიდევ რა იყიდა ბათუმის მერიამ 1 მილიონად
