დღეს, 22 აპრილს, შუადღისას, რუსეთის ჯარები უკრაინაში თავს დაესხნენ ზაპოროჟიეს, რის შედეგადაც დაიღუპა ერთი ადამიანი, დაშავდა 19 ზრდასრული და 4 ბავშვი, დაზიანდა მრავალსართულიანი შენობა და ცეცხლი წაეკიდა მანქანებს. ინფორმაციას უკრაინის საგანგებო სიტუაციების სამსახური ავრცელებს.
ზაპოროჟიეს რეგიონული სახელმწიფო ადმინისტრაციის ხელმძღვანელობის ცნობით, დაიღუპა 69 წლის ქალი – „ექიმებმა სცადეს რეანიმაცია, მაგრამ მისი გადარჩენა ვერ შეძლეს“, – წერს სამხარეო ადმინისტრაციის უფროსი ივან ფედოროვი ტელეგრამზე.
მოგვიანებით მან დააზუსტა, რომ თავდასხმის შედეგად დაიჭრა ორი ბავშვი – 14 და 4 წლის.
რუსეთის თავდასხმა ზაპოროჟიეზე
ფოტო: უკრაინის საგანგებო სიტუაციების სამსახური
