საქართველოს პრეზიდენტი სალომე ზურაბიშვილი რუსეთში სამხედრო გადატრიალების მცდელობას ფეისბუქზე ეხმიანება. ის ეწერს, რომ საქართველოს საზღვრები უნდა გაკონტროლდეს, რუსეთიდან მოსალოდნელი საფრთხეების გამო.
„ყურადღებით ვაკვირდები რუსეთში მიმდინარე მოვლენებს.
ჩვენი საზღვრები ზედმიწევნით უნდა გაკონტროლდეს, მიგრაციის შესაძლო ახალი ტალღების გათვალისწინებით“-ამბობს ზურაბიშვილი.
ამის შესახებ მან twitter-ზეც დაწერა.
რუსეთის ხელისუფლებას სამხედრო დაჯგუფება „ვაგნერის“ ლიდერი ევგენი პრიგოჟინი დაუპირისპირდა, გუშინ გავრცელებულ ვიდეოში პრიგოჟინი ამბობდა, რომ „ვაგნერი“ უკვე როსტოვშია და ისინი აკონტროლებენ ქუჩებს და სამხედრო-სტრატეგიულ ობიექტებს.
რუსეთთან პირდაპირი ფრენების შეჩერებას ითხოვენ პარლამენტის წევრები ოპოზიციიდან და პრემიერ-მინისტრს სთხოვენ, დროულად მოიწვიონ უშიშროების საბჭო.
