გაერთიანებული სამეფოს დაზვერვის 12 იანვრის ანგარიშში რუსეთის მიერ საჰაერო-სადესანტო ძალების გამოყენებისა და ბოლო დროს მათი დონბასსა და სამხრეთ უკრაინაში დისლოცირების საკითხებია განხილული.
როგორც ბრიტანული დაზვერვა წერს, ბოლო ორი დღის განმავლობაში მძიმე ბრძოლები გრძელდება, როგორც დონეცკის ოლქის ქალაქ სოლედარის ირგვლივ, ასევე ლუგანსკის ოლქის ქალაქ კრემენაიას მისადგომებთან.
გაერთიანებული სამეფოს დაზვერვის სამსახურის ინფორმაციით, თითქმის დარწმუნებით შეიძლება ითქვას, რომ 2023 წლის იანვრის დასაწყისიდან რუსეთმა თავისი საჰაერო-სადესანტო ძალების 76-ე გვარდიის დივიზია კრემენაიას ფრონტის ხაზზე განალაგა და ეს მას შემდეგ გააკეთა, რაც ეს სექტორი შეფასდა, როგორც მნიშვნელოვნად დაუცველი.
ბრიტანული დაზვერვის ანგარიშში ვკითხულობთ, რომ 2022 წლის ნოემბრამდე რუსეთი თითქმის მთელ თავის დისლოცირებად საჰაერო-სადესანტო ძალებს იყენებდა, როგორც გრძელვადიან, სახმელეთო ძალებს ხერსონის ფრონტის ხაზის გასწვრივ.
ახლა ისინი გადაიყვანა დონბასსა და სამხრეთ უკრაინაში, სადაც, სავარაუდოდ, მეთაურები ცდილობენ საჰაერო-სადესანტო ძალები, როგორც შედარებით ელიტური სწრაფი რეაგირების ძალები, მათი დოქტრინული როლის შესაბამისად გამოიყენონ.
