პირველი ნოემბრის მდგომარეობით, უკრაინაში რუსეთის არმიის მაღალი რანგის 1 402 სამხედრო დაიღუპა.
ინფორმაციას უკრაინის შეიარაღებული ძალების სტრატკომი OSINT-ის მკვლევრებზე დაყრდნობით ავრცელებს.
„უკრაინაში უკვე მოხდა 1 402 რუსი ოფიცრის დენაციფიკაცია (5,7 ადამიანი დღეში). ამასთან, საერთო რაოდენობაში უფროსი ოფიცრების წილი 26%-ია,“ – წერს სტრატკომი.
კონკრეტულად – უკრაინასთან რუსეთის ომში დაიღუპა:
- 2 გენერალ-ლეიტენანტი
- 8 გენერალ-მაიორი
- 44 პოლკოვნიკი
- 98 პოდპოლკოვნიკი
- 193 მაიორი
- 279 კაპიტანი
- 471 უფროსი ლეიტენანტი
- 235 ლეიტენანტი
- 72 სხვა რანგის სამხედრო
უკრაინის შეიარაღებული ძალების გენერალური შტაბის დღევანდელი მონაცემებით, 24 თებერვლიდან 3 ნოემბრამდე პერიოდში, რუსეთის არმიის საბრძოლო დანაკარგი 73 270 სამხედროა, მათ შორის, 800 გასულ დღე-ღამეში.
