დღეს, 20 ივლისს, დილას, რუსეთის საოკუპაციო ძალებმა ხარკოვში სალტოვსკის რაიონი დაბომბეს.
ხარკოვის სამხედრო ადმინისტრაციის ხელმძღვანელი, ოლეგ სინეგუბოვი ტელეგრამზე წერს, რომ დაბომბვის შედეგად დაიღუპა სამი ადამიანი, მათ შორის 13 წლის მოზარდი. ინფორმაცია დაშავებულების შესახებ ზუსტდება.
სინეგუბოვი წერს, რომ ოკუპანტებმა ღამით დაბომბეს ჩუგუივისა და ბოგოდუჰივის რაიონები:
„მტერმა დაბომბა ხარკოვის, ლოზივისა და იზიუმის დასახლებული პუნქტები. დაზიანდა საცხოვრებელი კორპუსები, შენობები, სასწავლო დაწესებულება, კომერციული ობიექტები. ხორბლის ყანები დაიწვა.
იზიუმის რაიონში 61 წლის მამაკაცი გარდაიცვალა. დაშავდა 7 მშვიდობიანი მოქალაქე“.
_________________
ფოტო: ოლეგ სინეგუბოვი/Facebook
