კრემლის პრესსპიკერის დიმიტრი პესკოვის თქმით, რუსეთს ჩინეთისთვის სამხედრო აღჭურვილობით დახმარება არ უთხოვია.
როგორც Reuters-ი წერს, 14 მარტს პესკოვმა განაცხადა, რომ რუსეთს, რუსულ სამხედრო ძალებს შეუძლიათ სრული კონტროლის დამყარება უკრაინის მთავარ ქალაქებზე და მას აქვს უკრაინაში თავისი მიზნების შესასრულებლად საკმარისი სამხედრო აღჭურვილობა ჩინეთის დახმარების გარეშე.
13 მარტს გავრცელდა ინფორმაცია, რომ რუსეთმა უკრაინაში შეჭრის შემდეგ ჩინეთს სამხედრო აღჭურვილობით დახმარება სთხოვა. აღნიშნული პირველად ჩინეთმა უარყო.
ვაშინგტონში ჩინეთის საელჩოს წარმომადგენელმა ლიუ პენგიუმ განაცხადა, რომ არაფერი იცის რუსეთის მხრიდან ჩინეთისთვის იარაღის მიწოდებასთან დაკავშირებული თხოვნის შესახებ.
