დღეს, პირველ მარტს, საღამოს, აჭარის მთავრობის სახლთან გამართულ აქციაზე პოლიციამ აქციის მონაწილეები დააკავა. რამდენიმე წუთის განმავლობაში აქციაზე ადგილი ჰქონდა ასევე ფიზიკურ დაპირისპირებას.
პირველადი ინფორმაციით აქციაზე დაკავებულია 3 პირი, მათ შორის ქობულეთის საკრებულოს ყოფილი წევრი ენმ-დან, ბონდო თედორაძე.
„ბათუმელების“ ინფორმაციით, დაპირისპირება აქციის წევრების მხრიდან რუსეთის პრეზიდენტის პუტინის და საქართველოს პრემიერის, ირაკლი ღარიბაშვილის გინებას მოჰყვა.
აქციის მონაწილეები დღეს, 19:00 საათზე აჭარის მთავრობის სახლთან უკრაინის მხარდასაჭერად და ასევე საქართველოს მთავრობის პოლიტიკის გასაპროტესტებლად მივიდნენ. ეს აქცია ბათუმში მას შემდეგ დაანონსდა, როცა ცნობილი გახდა იმის შესახებ, რომ უკრაინის პრეზიდენტმა ვოლოდიმერ ზელენსკიმ, უკრაინის ელჩი საქართველოდან გაიწვია კონსულტაციებისთვის.
დღეს ბათუმში აქციის მონაწილეები საქართველოს პრემიერის გადადგომასაც ითხოვენ.
აქცია ამ დრომდე [20:15 სთ] გრძელდება.
ნახეთ პირდაპირი ჩართვა:
