უკრაინის პრეზიდენტი ვოლოდიმირ ზელენსკი რუსეთს ომის დანაშაულის ჩადენაში ადანაშაულებს.
“რუსულმა ძალებმა დღეს სასტიკად დაბომბეს ხაროვი რაკეტებით. ეს არის ნამდვილად ომის დანაშაული. მშვიდობიანი ქალაქი. მშვიდობიანი მოქალაქეებით დასახლებული ადგილი. არავითარი სამხედრო ობიექტი. ათობით თვითმხილველის ჩანაწერი ადასტურებს, რომ ეს არ იყო შემთხვევითი დარტყმა. ეს იყო მოქალაქეების მიზანმიმართული განადგურება.
რუსებმა იცოდნენ სად ისროდნენ. ამ დანაშაულისთვის აუცილებლად მოუწევთ საერთაშორისო ტრიბუნალზე წადგომა. ეს არის ყველა კონვენციის დარღვევა. არავინ დაივიწყებს მსოფლიოში რომ თქვენ დახოცეთ მშვიდობიანი უკრაინელი ხალხი.
აქ არის უკრაინა. აქ არის ევროპა, აქ არის 2022 წელი.
ბოროტება, რომელიც რაკეტებით, ბომბებითა და არტილერიითაა შეიარაღებული, სასწრაფოდ უნდა შეჩერდეს. უნდა განადგურდეს ეკონომიკურად. უნდა ვაჩვენოთ, რომ კაცობრიობას შეუძლია საკუთარი თავი დაიცვას,” – თქვა ზელენსკიმ.
მე-6 დღეა, რუსეთის არმია განუწყვეტლივ უტევს უკრაინას როგორც სახმელეთო, ისე საჰაერო და საზღვაო გზებით. რუსეთის შეჭრას ასეულობით მშვიდობიანი მოქალაქე და სამხედრო ემხვერპლა. ინტენსიურად იბომბება უკრაინის ქალაქები.
რუსეთი 24 თებერვალს, გამთენიისას შეიჭრა უკრაინაში და სრულმასშტაბიანი ომი დაიწყო. შეჭრას წინ უძღოდა რუსეთის პრეზიდენტის მიერ უკრაინის სეპერატისტული დონბასის და ლუგანსკის დამოუკიდებლობის აღიარება.
