უკრაინის პრეზიდენტი ვოლოდიმირ ზელენსკი რუსეთს კვლავ ცეცხლის შეწყვეტისკენ მოუწოდებს.
„რუსეთს ადრე თუ გვიან მოუწევს ჩვენთან საუბარი იმაზე, თუ როგორ უნდა დასრულდეს საომარი მოქმედებები და შეაჩეროს ეს შემოჭრა. რაც უფრო მალე დაიწყება საუბარი, მით უფრო მცირე იქნება დანაკარგი რუსეთისთვის”, – ამბობს ზელენსკი.
უკრაინის პრეზიდენტი აცხადებს, რომ დაიცავენ ქვეყანას და არ აპირებს კიევის დატოვებას.
უკრაინის პრეზიდენტმა ვოლოდიმირ ზელენსკიმ მოქალაქეებს მიმართა მას შემდეგ, რაც 25 თებერვლის გამთენიისას კიევზე სარაკეტო თავდასხმა განხორციელდა.
უკრაინული მხარე აცხადებს, რომ რუსეთის გეგმა კიევზე სატანკო შეტევაა.
