საქართველოში კორონავირუსით გარდაცვლილთა რაოდენობამ 10 ათას ადამიანს გადააჭარბა. პირველი ნოემბრის მონაცემებით, კორონავირუსის პანდემიის დაწყებიდან დღემდე 10 089 ადამიანი გარდაიცვალა.
იმის მიუხედავად, რომ კორონავირუსის საწინააღმდეგო ვაქცინით აცრა თავისუფლად შესაძლებელია, ამ დრომდე სრულად აცრილია მოზრდილი მოსახლეობის მხოლოდ 32.9 პროცენტი, ხოლო ერთი დოზით აცრილია – 36.5 პროცენტი ანუ 1 978 857 ადამიანი.
პირველი ნოემბრის მონაცემებით, საქართველოში ამ დრომდე კორონავიურუსით ინფიცირების სულ 721 388 შემთხვევა დაფიქსირდა, გამოჯანმრთელდა – 665 599.
NY Times-ის 19 ოქტომბრის მონაცემებით, საქართველო კოვიდის გავრცელების ტენდენციით კვლავ პირველ ადგილზეა.
