ქობულეთში, სოფელ ჩაისუბანში 40 წლამდე ასაკის კაცი სანადირო თოფით მოკლეს. სოფლის რწმუნებულის თქმით, კაცი მისმა ძმამ მოკლა და ის ჩაბარდა პოლიციას.
სოფლის რწმუნებულის ინფორმაციით, ძმები ერთად ცხოვრობდნენ, თუმცა რამ გამოიწვია მათ შორის კონფლიქტი, ამის შესახებ არ იცის: „ორივე ძმა წარსულში ნასამართლევია“.
ამ დროისთვის შემთხვევის ადგილზე პოლიცია მუშაობს.
დაიწყო თუ არა გამოძიება – პასუხს „ბათუმელები“ შინაგან საქმეთა სამინისტროდან ელოდება.
