ბათუმში 20-ზე მეტი ქუჩისა და ჩიხების პრობლემატურ მონაკვეთებზე ბეტონის საფარის დაგების სამუშაოებისთვის ქალაქის ბიუჯეტიდან 1 მილიონი ლარია გამოყოფილი. მომსახურების შესყიდვაზე ტენდერი საქალაქო ინფრასტრუქტურისა და კეთილმოწყობის სამმართველომ დღეს, 23 მარტს, გამოაცხადა. სამუშაოები 2021 წლის 30 ნოემბრის ჩათვლით უნდა დასრულდეს.
ტენდერში წინადადებების მიღება კი 2021 წლის 8 აპრილს დაიწყება და 13 აპრილს დასრულდება.
ტენდერის პირობის მიხედვით „თითოეულ ობიექტზე სამუშაოები უნდა განხორციელდეს მას შემდეგ, რაც ტენდერში გამარჯვებული პრეტენდენტი შემსყიდველის მხრიდან მიიღებს შეტყობინებას სამუშაოების დაწყების თაობაზე, რომელშიც განსაზღვრული იქნება სამუშაოების დაწყების კონკრეტული თარიღი და სამუშაოების შესრულების კონკრეტული ვადა კონკრეტულ ქუჩაზე ან მონაკვეთზე“.
ამასთან, „ყველა სახის მოსამზადებელი სამუშაოების დაწყება შეთანხმებული უნდა იყოს ბათუმის საქალაქო ინფრასტრუქტურისა და კეთილმოწყობის სამმართველოსთან. სამუშაოების დასრულების შემდეგ შემსრულებელი თავისი ძალებით და სახსრებით 5 დღის განმავლობაში ვალდებულია გაათავისუფლოს სამუშაო ადგილი სამშენებლო მოწყობილობა-დანადგარებისაგან, მასალებისაგან, დროებითი ნაგებობებისაგან და ა.შ.“
ქუჩებისა და დასახლებების ჩამონათვალი იხილეთ ქვემოთ [თითოეულის გასწვრივ მიმაგრებულია ბმული, რომელზე გადასვლითაც ნახავთ კონკრეტულ მონაკვეთებს, სადაც ბეტონის დაგება იგეგმება].
ქუჩის პრობლემატური მონაკვეთები მერიის მიერაა შერჩეული და შესაბამისი პროექტებიც თან ახლავს ტენდერს. მაგალითად, ამ ტენდერის ფარგლებში, მუსხელიშვილის ქუჩაზე ბეტონი დაიგება რუკაზე წითელი ფერით აღნიშნულ მონაკვეთებში:
მუსხელიშვილის ქუჩის მონაკვეთები, სადაც ბათუმის მერია ბეტონის დაგებას გეგმავს / ფოტო ტენდერიდან
ქუჩებისა და დასახლებების ჩამონათვალი:
აკაკი შანიძის მე-3 ჩიხი.
შანიძის მე-2 ჩიხი.
შანიძის ქუჩის ჩიხები.
ანა კალანდაძის ქუჩა 53-67.
დიდგორის ქუჩა 21, 43.
ვარშანიძის ჩიხები.
ზედაღელეს ქუჩა.
ზურაბ ნაჭყებიას ქუჩა.
თოდოგაურის დასახლება [ქუჩის მონაკვეთები ნახეთ აქ].
ლ. გოთუას ქუჩა და ჩიხები.
მაჭახელას ქუჩა N65-73.
მახვილაური 6,8,10,41,47.
ნიკო მუსხელიშვილის ქუჩა.
ურეხის დასახლება [ქუჩის მონაკვეთები ნახეთ აქ].
ყ. შერვაშიძის 42-70.
ავგიის მე-2 ჩიხი.
გაზაფხულის ქუჩა [პირველი შესახვევი].
გენერალ გ. კვინიტაძეს ქუჩის მონაკვეთები.
ევგენი მიქელაძის ქუჩა.
თამარ მეფის მე-3 შესახვევი.
მ. მაჭავარიანის შესახვევი.
წმ. თევდორეს ქუჩა.
ხაბაძის ქუჩა.
