პირველი მარტიდან ბათუმში რამდენიმე შეზღუდვა მოიხსნება. კერძოდ, მუშაობას იწყებენ საბავშვო ბაღები, მუზეუმები და ბიბლიოთეკები. რესტორნებს შესაძლებლობა აქვთ, სტუმრები შიდა სივრცეშიც მიიღონ.
ნახეთ ვრცლად ჩამონათვალი:
- სკოლამდელი აღზრდის დაწესებულებები, როგორც საჯარო, ისე კერძო, ფუნქციონირებას აღადგენენ 1-ლი მარტიდან 2 კვირაში ერთხელ თანამშრომლების 20 %-ის სავალდებულო ტესტირების პირობით;
- მუზეუმები და ბიბლიოთეკები საქმიანობას განაახლებენ 1-ლი მარტიდან;
- ბათუმში რესტორნები სტუმრების მიღებას შიდა სივრცეში პირველი მარტიდან შეძლებენ, თუმცა შაბათ-კვირის გარდა, ქვეყნის დანარჩენ ტერიტორიაზე კი – 8 მარტიდან;
- კონფერენციები და ტრენინგები შესაბამისი პროტოკოლის დაცვით ასევე განახლდება 1-ლი მარტიდან;
- უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ 1-ლი მარტიდან, ხოლო სასწავლო პროცესის აუდიტორიებში აღდგენას – 15 მარტიდან;
ჯერჯერობით ისევ ძალაში რჩება კომენდანტის საათი საღამოს 21:00 საათიდან დილის 05:00 საათამდე.
კორონავირუსის პანდემიის გამო საქართველოს მთავრობამ მთელი რიგი შეზღუდვები გასული წლის 29 ნოემბერს აამოქმედა.
