ბათუმში კოვიდინფიცირებული პაციენტების მიღება ბათუმის ინფექციურმა საავადმყოფომ განაახლა. აქამდე რეგიონის კოვიდკლინიკა რესპუბლიკური საავადმყოფო იყო.
აჭარის ჯანდაცვის სამინსიტროს ცნობით, კლინიკაში 39 საწოლია, ორის გარდა კლინიკაში ყველა პალატა ბოქსირებული და იზოლირებულია, ინდივიდუალური სველი წერტილებით.
სამინისტროს ინფორმაციით, ინფექციური საავადმყოფო შერეული პრინციპით იმუშავებს, მიიღებს კოვიდინფიცირებულ პაციენტებსაც და, ასევე პაციენტებს ცხელების ნიშნით.
ბოლო 24 საათში ბათუმში კორონავირუსის 80 ახალი შემთხვევა დადასტურდა. რეგიონში უკვე 288 ინფიცირებულია, რესპუბლიკურ საავადმყოფოს კი მხოლოდ 170 ადგილი აქვს რეანიმაციული განყოფილების საწოლების ჩათვლით. შესაბამისად, დღის წესრიგში დადგა სხვა კლინიკის ჩართვა კოვიდის სამართავად,
