კორონავირუსის შემთხვევათა დროული გამოვლენის მიზნით, აჭარის ჯანდაცვის სამინისტროს რეკომენდაციით, ბათუმის პოლიკლინიკები COVID19-ზე უფასო PCR ტესტირებას უქმე დღეებში, 5 და 6 სექტემბერსაც ჩაატარებენ.
ბათუმში ტესტირება ნებისმიერ მოქალაქეს 10:00 საათიდან 17:00 საათამდე შეეძლება:
- N1 პოლიკლინიკაში
- N4 პოლიკლინიკაში
- საოჯახო მედიცინის რეგიონულ ცენტრში
- თამარის დასახლების საოჯახო მედიცინის ცენტრში
- ევექსის ბათუმის ამბულატორიაში
აჭარის ჯანდაცვის სამინისტროს ინფორმაციით, საჭიროების შემთხვევაში მოქალაქეებს ამავე პოლიკლინიკებში ჩაუტარდებათ ექიმის კონსულტაცია.
კვლევა ჩვეულ რეჟიმში გაგრძელდება ასევე კარვებში:
- ბათუმის ბულვარის სამ ლოკაციაზე – კოლონადებთან, ანბანის კოშკთან და აჭარული სახლის მიმდებარე ტერიტორიაზე;
- ქობულეთის მუნიციპალიტეტში – მერიის შენობის მიმდებარედ. აქ მოქალაქეებს 11:00-დან 23:00 საათამდე მოემსახურებიან.
აჭარის ჯანდაცვის სამინისტრო მოსახლეობას მიმართავს, ისარგებლონ კორონავირუსზე უფასო PCR ტესტირებით და ვირუსისთვის დამახასიათებელი სიმპტომების გამოვლენის შეთხვევაში დაუყოვნებლივ მიმართონ შესაბამის დაწესებულებებს.
—
4 სექტემბრის დილის 10 საათის მონაცემებით, საქართველოში კორონავირუსი დადასტურებული აქვს სულ 1 596 ადამიანს.
13 ახალი შემთხვევიდან 9 „დონას“ კლასტერია – კორონავირუსი ბათუმში
