საქართველო უცხოელ ტურისტებს 1-ელი ივლისიდან მიიღებს. ამის შესახებ დღეს, 7 მაისს, საქართველოს პრემიერ-მინისტრმა გიორგი გახარიამ განაცხადა.
„15 ივნისიდან საქართველო გაიხსნება ადგილობრივი ტურიზმის სერვისების მიწოდებისთვის, ხოლო 1-ელი ივლისიდან საქართველო იქნება მზად იმისთვის, რომ მიიღოს უცხოელი ტურისტები. ამას ჩვენ გავაკეთებთ როგორც სახმელეთო საზღვრებზე უსაფრთხო კორიდორების შექმნით ჩვენს მეზობელ ქვეყნებთან, ასევე გავაკეთებთ უსაფრთხო კორიდორების შექმნის შესაძლებლობით ორმხრივი მოლაპარაკების თვალსაზრისით ტურისტულად ჩვენთვის საინტერესო ქვეყნებთან. ეს მოლაპარაკებები დაწყებულია,“ – თქვა პრემიერმა.
პრემიერ-მინისტრის განცხადებით, ტურიზმი არის ის დარგი, რომელიც პანდემიის შემდეგ პოსტკრიზისულ ეკონომიკაში საქართველოს განვითარებას შეუწყობს ხელს.
ამავე თემაზე:
1 საათით შემოწმება 14-დღიანი კარანტინის ნაცვლად – როგორ გაკონტროლდება საზღვარი
