პრემიერ-მინისტრის განცხადებით, საქართველო უცხოელ ტურისტებს 1-ლი ივლისიდან მიიღებს. თუმცა მანამდე უნდა გაძლიერდეს საზღვარზე კონტროლი და შემომსვლელი თითოეული ადამიანის შემოწმებას კოვიდზე 1 საათზე მეტი დრო არ უნდა დასჭირდეს.
„ტურიზმის აღდგენისთვის აუცილებელია რამდენიმე კრიტიკულად მნიშვნელოვანი კონტროლის წერტილი. პირველ რიგში, ეს არის საზღვარი. როგორც სახმელეთო, ასევე საჰაერო საზღვარი და აქ ჯანდაცვის სამინისტროს უკვე აქვს მიღებული დავალებები, რომ საზღვრებზე უნდა გაძლიერდეს კონტროლი შემომსვლელი თითო ადამიანის. თუ აქამდე ჩვენ გვჭირდებოდა 24-საათიანი და 14-დღიანი კარანტინი, 1 საათში უნდა იყოს დასრულებული. ამის შესაძლებლობები და ტექნოლოგიები არსებობს და ჯანდაცვის სამინისტრო ამ ამოცანას გადაწყვეტს უახლოეს პერიოდში“, – განაცხადა დღეს, 7 მაისს, საქართველოს პრემიერ-მინისტრმა გიორგი გახარიამ.
მისივე თქმით, დღემდე საქართველოში კარანტინი 19 ათასმა მოქალაქემ გაიარა. ესენი ძირითადად საქართველოს მოქალაქეები არიან, რომლებიც ქვეყანაში უცხოეთიდან შემოვიდნენ.
ამ თემაზე:
საქართველო უცხოელ ტურისტებს 1-ელი ივლისიდან მიიღებს – გახარია
