მეუფე საბა ონლაინღვთისმსახურებაზე: არ მივიჩნევთ, რომ ისინი ცოდვას სჩადიან, თუკი სახლში არიან

მეუფე საბა ინწკირველი – მართლმადიდებელი ეკლესიის სინოდის წევრი, ჩრდილოეთ ამერიკის ეპარქიის ეპისკოპოსი

__________

„ასეთ დროს არ შეგვიძლია წავიდეთ წინააღმდეგ სახელმწიფოს და ამავე დროს ექიმების რჩევასთან და ეს არის სახლში დარჩენა, შეკრებების აკრძალვა და ჩვენ გავითვალისწინეთ ეს. მინდა აღვნიშნო ისიც, რომ რელიგიური თავისუფლების კანონით ჩვენ გვაქვს უფლება, რომ დიდი შეკრებები გავმართოთ, მაგრამ ვითვალისწინებთ სახელმწიფო რეგულაციებს, რათა ხელი შევუშალოთ კორონავირუსის გავრცელებას.

მრევლმა უნდა გაითავისოს ერთი რამ, რომ ეს არის მსხვერპლის გაღება მოყვასის სიყვარულისთვის და ადამიანების სიცოცხლის გადარჩენისთვის. პირველ რიგში, ქრისტიანული სიყვარული ამას ითვალისწინებს, რომ ჩვენ გავუფრთხილდეთ ერთმანეთს და არ გავხდეთ მიზეზი იმის, რომ თუნდაც ერთი ადამიანის სიცოცხლე ჩვენი მიზეზით შეიწიროს ამ ვირუსმა.

მთავარი არის ის, რომ მსახურება არ შეჩერდეს და 2-3 ადამიანი სადაც არის შეკრებილი უფლის სახელით, იქ არის იესო ქრისტე. ვინც სახლში არის დარჩენილი, ისინი მიზეზით არიან მსახურებას დაკლებულნი, ჩვენ არ მივიჩნევთ, რომ ისინი ცოდვას სჩადიან, თუკი სახლში არიან დარჩენილები და ისინი სახლში ლოცულობენ და ჩვენ ეკლესიაში ვლოცულობთ.

მადლობა ექიმებს და ღმერთს, რომ საქართველოში ბევრი ადამიანი არ არის დაინფიცირებული, თუმცა ეს არ ნიშნავს იმას, რომ ჩვენ მშვიდად ვიყოთ, რადგან ერთი შეცდომის დაშვებამაც კი შეიძლება ძალიან მძიმე და რთულ ვითარებაში ჩაგვაყენოს, აი, ამ პასუხისმგებლობას ვიღებთ ჩვენი გადაწყვეტილებით. რადგან საქართველოში ცოტა ადამიანია დაინფიცირებული, ალბათ გარკვეულ ნაწილს სასულიერი პირების აძლევს იმ გადაწყვეტილებების მიღების საშუალებას, რაც დღეს არის. “

________

წყარო: ტელეკომპანია იმედი