უწყებათაშორისი საკოორდინაციო საბჭოს გადაწყვეტილებით, საქართველოში სამკურნალო-სამედიცინო მიზნებისთვის განკუთვნილი საქონლის მიწოდება – იმპორტი 2020 წლის პირველ ოქტომბრამდე დამატებითი ღირებულების გადასახადისგან [დღგ] გათავისუფლდა.
მათ შორის, დღგ- სგან გათავისუფლებულია დამცავი ფარების, საიზოლაციო კომბინიზონების, ქირურგიული ხალათების, ქუდებისა და ბახილების კომპლექტების, პლასტმასის დამცავი სათვალეების, პირბადეების, უკონტაქტო თერმომეტრების მიწოდება.
მთავრობაში მიიჩნევენ, რომ ეს გადაწყვეტილება ხელს შეუწყობს ქვეყნის ჯანდაცვის სექტორს, შეუფერხებლად მიეწოდოს ყველა საჭირო ინვენტარი კორონავირუსის წინააღმდეგ ბრძოლის მიმართულებით.
