ბათუმის მერიის ინფორმაციით, ქალაქის ტერიტორიაზე მიმდინარე ინფრასტრუქტურული სამუშაოები ჩვეულ რეჟიმში გრძელდება.
„ახალი კორონავირუსის გავრცელების გამო, თუ განსაკუთრებული სიტუაცია შეიქმნება, მივიღებთ შესაბამის გადაწყვეტილებას,“ – გვითხრეს მერიაში.
მოქალაქეების თქმით, ბოლო დღეებში ქალაქის რამდენიმე ქუჩაზე სამუშაოები არ მიმდინარეობდა. მერიის განმარტებით, სამუშაოების შეჩერება უამინდობას უკავშირდებოდა.
ბათუმი, გენერალ ასლან აბაშიძის ქუჩა / 19.03.2020
ბათუმში – ლეონიძის, ხახულის, აღმაშენებლის, კობალაძის, ფიროსმანის, ინასარიძის, ჯავახიშვილისა და სხვა ქუჩებზე კომუნალური ინფრასტრუქტურის სარეაბილიტაციო [IV ფაზის ] სამუშაოების დასრულების შემდეგ ქუჩების მოასფალტებისთვის ბათუმის მერიამ ტენდერი ხელახლა გამოაცხადა.
წინადადებების მიღება 25 მარტს დაიწყება და 30 მარტს დასრულდება. შესყიდვის სავარაუდო ღირებულება 1 999 970 ლარია.
პირველად გამოცხადებული ტენდერის გამო მერიის საქალაქო ინფრასტრუქტურისა და კეთილმოწყობის სამმართველოს დავების საბჭოში უჩივლეს. საბჭომ მომჩივანის მოთხოვნა ნაწილობრივ დააკმაყოფილა. სატენდერო კომისიამ კი, ტენდერი შეწყვიტა და ხელახლა გამოაცხადა.
ამ თემაზე:
ბათუმის მერია: ტრანსპორტის მოძრაობის მარშრუტი დროებით შეიცვლება
