ბათუმის მერიას საპრივატიზებო ობიექტების ნუსხაში ცვლილება შეაქვს. განკარგულების პროექტის მიხედვით, რომელიც საკრებულოშია გადაგზავნილი, მერია ბათუმში ათასობით კვადრატული მეტრი ტერიტორიის გაყიდვას აპირებს. როგორც განკარგულების პროექტშია მითითებული, მიწის ნაკვეთებს, ძირითადად, უპირობო აუქციონის წესით გაყიდიან. ჩამონათვალში არის ისეთი ნაკვეთებიც, რომელთა გაყიდვასაც მერია პირობიანი აუქციონით გეგმავს.
განკარგულების პროექტის მიხედვით, მერია აუქციონზე გაიტანს 1245 კვ. მ მიწის ნაკვეთს ბათუმში ბეთლემის ქუჩის #7-11-ის მიმდებარედ.
ფოტოზე მონიშნულია მიწის ნაკვეთი ბეთლემის ქუჩაზე, რომელსაც მერია აუქციონის წესით გაყიდის
1911 კვადრატულ მეტრ ტერიტორიას გაიტანს გასაყიდად მერია ქავთარაძის #6-ში. ამ ნაკვეთსაც უპირობო აუქციონის წესით გაყიდიან.
მიწის ნაკვეთი ქავთარაძის ქუჩაზე
ბათუმის მერია 1130 კვადრატულ მეტრ მიწის ნაკვეთს უპირობო აუქციონით გაყიდის ასევე მეჯინისწყლის დასახლებაში, ხოლო პირობიანი აუქციონით გაასხვისებენ მიწის ნაკვეთს სვიშევსკის ქუჩაზე.
საერთო ჯამში ჩამონათვალი 85 საკადასტრო ერთეულს მოიცავს, მათ შორის არის მცირე ზომის ნაკვეთებიც:
