30 ივლისს ბათუმის ახალ ბულვარში სამი უცხოელის დაჭრაში მხილებული პირი 2001 წელს დაბადებული საქართველოს მოქალაქე, არასრულწლოვანია.
შს სამინისტროს ცნობით, გამოძიება სისხლის სამართლის კოდექსის 117-ე მუხლით დაიწყო – ჯანმრთელობის განზრახ მძიმე დაზიანება.
შემთხვევა გუშინ, 30 ივლისს, ღამით, მოხდა. სამი ახალგაზრდა კაცი ცივი იარაღით დაჭრეს ბათუმში, ახალ ბულვარში, მოცეკვავე შადრევნების მიმდებარე ტერიტორიაზე.
დაჭრილები სასწრაფო დახმარების სამედიცინო სამსახურმა ბათუმის რეფერალურ საავადმყოფოში გადაიყვანა. ორმა მათგანმა უკვე დატოვა კლინიკა, მათი ჰოსპიტალიზაცია საჭირო არ გამხდარა, ერთს კი ოპერაცია ჩაუტარდა და როგორც რეფერალურ ჰოსპიტალში გვითხრეს, „გაუმჯობესებული მდგომარეობით აგრძელებს სტაციონარულ მკურნალობას.“
„ბათუმელების“ ინფორმაციით, დაჭრილ პირებს შორის ერთ-ერთი აზერბაიჯანის მოქალაქეა.
