„ქობულეთის პანსიონის საქმე“ შესაძლოა ევროპის ადამიანის უფლებათა დაცვის სასამართლომ განიხილოს. სასამართლოს უკვე მიმართა „ადამიანის უფლებების სწავლების და მონიტორინგის ცენტრმა“ პარტნიორ ორგანიზაციასთან, „ადამიანის უფლებათა დაცვის ევროპულ ცენტრთან“ ერთად. მუსლიმი თემი კონვენციის მე-3 და მე-14 მუხლების დარღვევის დადგენას ითხოვს ევროსასამართლოსგან, რაც დამამცირებელ და არაადამიანურ მოპყრობას, ასევე, დისკრიმინაციის აკრძალვას გულისხმობს.
სასამართლო პროცესების მოგების მიუხედავად, ამ დრომდე მუსლიმი თემი ქობულეთის პანსიონში ვერ შედის – შენობაში წყლის სისტემა არ არის და ქობულეთის მერია პანსიონის სისტემაში ჩართვაზე უარს ამბობს. ამ კუთხით სასამართლო დავა გრძელდება. სასამართლომ არ დააკმაყოფილა სარჩელის ის ნაწილი, რაც შინაგან საქმეთა სამინისტროს მხრიდან დისკრიმინაციულ მოპყრობას დაადგენდა.
„იმისთვის, რომ მხარეებმა არ დაკარგონ სამართლიანობის განცდა, რელიგიური შინაარსის სათემო კონფლიქტების დროს, აუცილებელია, სახელმწიფოს ჰქონდეს დროული და ადეკვატური რეაგირება. სამწუხაროდ, ქობულეთის პანსიონატის საქმეზე მაღალი საზოგადოებრივი ინტერესისა და გამოვლენილი ისლამოფობიის სიმძიმის მიუხედავად, სახელმწიფომ კონფლიქტების მართვისა და სამართლიანი გადაწყვეტის ვალდებულება ვერ შეასრულა. შესაბამისად, არ გასწია სათანადო ძალისხმევა მუსლიმი თემის უფლებების აღდგენისა და სოციალური ცვლილებებისთვის,“ – აღნიშნულია „ადამიანის უფლებების სწავლების და მონიტორინგის ცენტრის“ მიერ გავრცელებულ განცხადებაში.
ქობულეთში მუსლიმ თემს პანსიონით სარგებლობის უფლება 2014 წელს არ მისცეს, მაშინ პანსიონის კარზე ადგილობრივებმა ღორის თავიც მიაჭედეს.
ამ თემაზე:
რამდენად შეიცვალა ადგილობრივების განწყობა ქობულეთში მუსლიმურ პანსიონზე
