ბათუმში, ევროპის მოედანზე, პორტში ახალი ტერმინალის მშენებლობის მოწინააღმდეგეებმა დღეს, 20 იანვარს, კარავი გაშალეს.
„ეს იქნება ერთგვარი სიმბოლო ამ პროტესტის. ჩვენ დღის ბოლომდე მოვიფიქრებთ, რას გავაკეთებთ, რა ფორმა მიეცემა პროტესტს,“ – გვითხრა საპროტესტო აქციის ერთ-ერთმა ორგანიზატორმა, ალეკო თევზაძემ.
კარავში, აქციის ორგანიზატორების თქმით, ახალი ტერმინალის მშენებლობის საწინააღმდეგო ხელმოწერები შეგროვდება. აქციის ერთ-ერთი ორგანიზატორის თქმით, ხელმოწერებს აჭარის მთავრობას გადაუგზავნიან: „შესაძლოა პეტიციის სახე მივცეთ, ამასთან, თუ საჭირო გახდა შიმშილობასაც დავიწყებთ“.
„კარავი იქნება აქ მანამ, ვიდრე არ მივიღებთ პირობას, რომ ახალი ტერმინალი არ აშენდება,“ – ამბობენ აქციის ორგანიზატორები.
„ეს იყო კლოუნადა“ – ამ სიტყვებით დაიწყო საპროტესტო აქცია ბათუმში ახალი ტერმინალის წინააღმდეგ დღეს, 20 იანვარს. აქციის ორგანიზატორებმა ასე უმაღლესი საბჭოს წევრის, ლადო მგალობლიშვილის ქმედება შეაფასეს, რომელმაც გუშინ, „აჭარის ტელევიზიის“ პირდაპირ ეთერში კარბამიდი შეჭამა.
მოგვიანებით აქციის მონაწილეებმა გოგებაშვილის ქუჩა გადაკეტეს და მსვლელობით ევროპის მოედანზე მივიდნენ.
——–
ვრცლად, ბათუმის პორტში ახალი ტერმინალის მშენებლობის შესახებ იხილეთ ამ ბმულზე.
აქციის მონაწილეები ბათუმში, ევროპის მოედანზე / 20.01.2019
აქციის მონაწილეებმა ბათუმში, ევროპის მოედანზე „ანტიქიმიური კარავი“ გაშალეს / 20.01.2019
აქციის მონაწილეებმა ბათუმში, ევროპის მოედანზე „ანტიქიმიური კარავი“ გაშალეს / 20.01.2019
