ბათუმის რუსთაველის სახელმწიფო უნივერსიტეტის სტუდენტები 3 ნოემბერს ბორჯომში თავიანთი ხელით გამოყვანილ ნერგებს დარგავენ.
როგორც უნივერსიტეტის პრესსამსახურში გვეუბნებიან, ფიჭვის, სოჭის, ნაძვისა და ქართული მუხის ნერგები უნივერსიტეტის ტექნოლოგიურ სათბურშია გამოყვანილი.
„დავრგავთ 800-მდე ნერგს, რომლებიც სტუდენტებმა თავიანთ ლექტორ-მასწავლებლებთან ერთად გამოიყვანეს. ერთი წლის განმავლობაში მიმდინარეობდა ჩითილების გაზრდა. ნერგები რუსეთ-საქართველოს 2008 წლის ომის და 2017 წელს გაჩენილი ხანძრების დროს განადგურებული ტყის ადგილზე დაირგვება“.
როგორც უნივერსიტეტში გვეუბნებიან, ნერგების დარგვაზე ეკოლოგებისგან რეკომენდაციები მიღებული აქვთ. „ახლა არის შესაფერისი სეზონი ნერგების დარგვის და ვფიქრობთ, რომ კარგად გაიხარებს.“
