19-20 ოქტომბერს ბათუმში სოფლის ტურიზმის მეორე საერთაშორისო კონფერენცია გაიმართება. კონფერენციის მთავარი თემა იქნება: „სოფლის ტურიზმი, როგორც ბიზნესი“.
კონფერენციის სამუშაო თემში შედის სოფელი და სოფლად ცხოვრება, როგორც ტურისტული პროდუქტი, ბიზნესი და შემოსავლის წყარო; ინოვაციური სერვისები და ტურისტული პროდუქტები სოფლად; სოფლის ტურიზმის განვითარების პერსპექტივები და გამოწვევები აჭარის რეგიონში /ტურისტული ინფრასტრუქტურა სოფლად; სოფლის ტურიზმის ზოგადი სტანდარტები (მომსახურების სტანდარტები, საოჯახო სასტუმრო სახლების ტიპები და ა.შ); სახელმწიფო პროგრამები სოფლის ტურიზმის განვითარების კუთხით საქართველოში და სხვა ქვეყნებში; ტურისტების მოზიდვა სოფლად და რეკლამირება.
კონფერენციაში მონაწილეობას მიიღებენ უცხოელი და ქართველი ექსპერტები, საოჯახო სასტუმრო სახლების მეპატრონეები, ტურისტული სააგენტოები, სოფლის და ეკოტურიზმის სხვადასხვა სფეროს, ასევე სამთავრობო და არასამთავრობო ორგანიზაციების წარმომადგენლები.
კონფერენციისთვის მოხსენებები და პრეზენტაციები შეირჩევა თემებისა და სესიების მიხედვით. კონფერენციაში მონაწილეობისთვის საჭიროა სარეგისტრაციო ფორმის შევსება.
