ფინანსთა სამინისტროს საგამოძიებო სამსახურში აცხადებენ, რომ ქედის მუნიციპალური საწარმოს ხელმძღვანელი ქრთამის აღების ფაქტზეა დაკავებული.
„საწარმოს ხელმძღვანელმა უკანონო მატერიალური სარგებლის მიღების მიზნით, მეწარმეს, ხელშეკრულების გაფორმების გარეშე, კომპანიის ბალანსზე არსებული სამშენებლო ტექნიკით სარგებლობის სანაცვლოდ, უკანონოდ მოსთხოვა და გამოართვა 400 ლარი“.
გამოძიება მიმდინარეობს სსკ-ის 221-ე მუხლის მე-4 ნაწილით, რაც სასჯელის სახით გათვალისწინებულ თავისუფლების აღკვეთას 4-იდან 6 წლამდე ვადით ითვალისწინებს.
საგამოძიებო სამსახურის ინფორმაციით, ამ ეტაპზე ტარდება ღონისძიება აღნიშნულ დანაშაულში შემჩნეული სხვა პირების დადგენა-მხილების მიზნით.
ქედის მუნიციპალური საწარმოს „კომუნალურ სერვისის“ დირექტორი 25 ივნისს დააკავეს.
