აჭარის განათლების, კულტურისა და სპორტის სამინისტროს ბიუჯეტი 2018 წელს 9 მილიონ 554 ათასი ლარით გაიზრდება.
აღნიშნული თანხიდან 5 მილიონ 286 ათას 200 ლარი საჯარო სკოლების ინფრასტრუქტურის გაუმჯობესებისათვის იქნება მიმართული; კულტურული მემკვიდრეობის შენარჩუნებასა და განვითარებაზე 628 ათას 300 ლარია გათვალისწინებული, სპორტის მიმართულებით ბიუჯეტი 800 ათასი ლარით გაიზრდება, რომელიც სპორტული ინვენტარის შეძენას უნდა მოხმარდეს.
ახალი ორგანიზაციის – „აჭარის მუზეუმის“ შენახვის ხარჯი კი წელს 1 მილიონ 224 ათას 500 ლარი იქნება. აღნიშნული ორგანიზაცია ოთხი სხვადასხვა მუზეუმის გაერთიანების შედეგად შეიქმნა.
