ბათუმში, 26 მაისის ქუჩაზე, #27-ში, მრავალბინიანი კორპუსის ეზოში, მოქალაქე უკანონოდ აშენებს. შესაბამისად, მშენებლობის ადგილზე არ არის გამოკრული საინფორმაციო დაფა. მრავალბინიან კორპუსში მცხოვრებლების ინფორმაციით, მშენებლობას აქვე მცხოვრები კახა ბენდელიანი აწარმოებს.
კახა ბენდელიანმა სატელეფონო საუბარში გვითხრა, რომ მუსიკოსია და ეზოში მუსიკალურ სტუდიას იშენებს. მან ჯერ გვითხრა, რომ მშენებლობა მერიასთან შეთანხმებული ჰქონდა. თუმცა შესაბამისი სანებართვო დოკუმენტის შესახებ კითხვამ ის გააღიზიანა: „მე მთელი ბათუმი მიცნობს, თქვენ როგორ დამიწყეთ ლაპარაკი…“
ინფორმაციის გადამოწმების მიზნით მერიის ზედამხედველობის სამსახურს დავუკავშირდით. ამ სამსახურის სამშენებლო საქმიანობაზე სახელმწიფო ზედამხედველობის განყოფილების უფროსის ირაკლი მოქიას ინფორმაციით, კახა ბენდელიანი 26 მაისის ქუჩაზე, #27-ში აწარმოებდა უკანონო დაშენებას: „ პირველი სართული რეგისტრირებულია რეესტრში“.
ბათუმი, 26 მაისის ქუჩა #27, ფოტო: ცაგო კახაბერიძე
ზედამხედველობის სამსახურმა ის გააფრთხილა და მისცა ხუთი დღე იმისთვის, რომ უნებართვოდ დაშენებული ფართობი მოანგრიოს, წინააღმდეგ შემთხვევაში მას ადმინისტრაციული წესით დააჯარიმებენ.
