სასწრაფო სამედიცინო ბრიგადის ინფორმაციით, ბათუმის ცენტრალურ პარკში ნაპოვნ გარდაცვლილ ქალს თავის არეში ჭრილობა ჰქონდა. სასწრაფოში აცხადებენ, რომ მათ ბრიგადას ქალი გარდაცვლილი დახვდა და არ შეუძლიათ იმის თქმა, ჭრილობა დაცემამ გამოიწვია თუ ძალადობას ჰქონდა ადგილი.
შს სამინისტროს ინფორმაციით, ქალს ჭრილობა არც ცეცხლსასროლი იარაღით აქვს მიყენებული და არც ცივი იარაღით. უწყების ინფორმაციით, დაზიანება, სავარაუდოდ, დაცემამ გამოიწვია.
შს სამინისტროს პრესცენტრში აცხადებენ, რომ ქალის გარდაცვალების ფაქტზე გამოძიება სისხლის სამართლის კოდექსის 115-ე მუხლით დაიწყო.
პარკში ნაპოვნი გარდაცვლილი ქალი 55 წლის იყო.
