მოსამართლე ბეჟანიშვილმა თქვა, რომ საეჭვოა, როცა უკვე მეორედ, სწორედ იმ დღეს, როცა სასამართლო პროცესია ჩანიშნული, ბრალდებულს სჭირდება ექიმების დახმარება „ჰაერის უკმარისობის გამო“: „ეჭვქვეშ არ ვაყენებ ამ ცნობას, მაგრამ უფრო ნათელი სურათი რომ გვქონდეს, შემდეგ სასამართლო პროცესზე იქნებ წარმოადგინოთ ბრალდებულის სამედიცინო ცნობა საავადმყოფოდან“.
ადვოკატმა თქვა, რომ ჯანმრთელობის შესახებ ინფორმაციას საავადმყოფოდან სასამართლოს მომდევნო სხდომაზე მიიტანს.
ბრალდებულის გამოუცხადებლობის გამო სასამართლო პროცესი 7 ოქტომბრისთვის გადაიდო. ადვოკატის შუამდგომლობას პროკურორი დავით კირჩხელიც დაეთანხმა.
