„კურტ კობეინი 51 წლის გახდებოდა. კაცი, რომელმაც შეცვალა მსოფლიო,“ – 20 თებერვლის დადგომისთანავე გამოაქვეყნა პოსტი „ნირვანას“ ბასისტმა, კრის ნოვოსელიჩმა საკუთარ ფეისბუქგვერდზე.
პოსტის ქვეშ ფანების უამრავი კომენტარი გაჩნდა:
„დაბადების დღეს გილოცავთ კურტ!“, „სიეტლში ვარ, ველოდები სად აღნიშნავენ დღეს კობეინის დაბადების დღეს“, „გვიყვარხარ კურტ!“, „გვენატრები, ვერავინ დაიკავებს შენს ადგილს ჩვენს გულებში!“.
მსოფლიო აღიარების და მსმენელების საყოველთაო სიყვარულის მიუხედავად, „თაობის ხმად“ აღიარებულმა, 27 წლის კურტ კობეინმა 1994 წლის 8 აპრილს სიცოცხლე თვითმკვლელობით დაასრულა. „ნირვანას“ ფანები დღემდე არ აკლდება, კობეინი სამუდამოდ დარჩა მსმენელების მეხსიერებაში 90-იანი წლების როკ მუსიკის ყველაზე მნიშვნელოვან პერსონად. თუმცა მისი სიკვდილის შემდეგ „ნირვანას“ ფანების უმეტესობა მიიჩნევდა, რომ კობეინი თვითმკვლელობით საკუთარი სიმღერის პერსონაჟად იქცა, კაცად, რომელმაც გაყიდა მსოფლიო.
